የቅዱስ ሚካኤል የኢትዮጵያ ኦርቶዶክስ ተዋሕዶ ማኅበር በፕራግ፣ ቼክ ሪፐብሊክ የሕግ መሠረት የተመዘገበ መንፈሳዊ ማኅበር (spolek) ነው። ማኅበራችን በፕራግና በአካባቢዋ የሚኖሩ የኢትዮጵያ ኦርቶዶክስ ተዋሕዶ ቤተ ክርስቲያን ምእመናንን በእምነት፣ በጸሎት፣ በአገልግሎትና በመንፈሳዊ አንድነት ለማስተባበርና ለማጽናት ተቋቁሟል።

ዋና ዓላማችን የምእመናንን መንፈሳዊ ሕይወት ማነጽ፣ የቤተ ክርስቲያንን ሥርዓትና ትውፊት መጠበቅ፣ እንዲሁም ቤተሰቦች፣ ሕፃናት፣ ወጣቶችና በእምነት ማደግ የሚፈልጉ ሁሉ በአንድነት የሚሰባሰቡበት መንፈሳዊ ማኅበረሰብ መገንባት ነው።

ማኅበራችን የጸሎት መርሐ ግብሮችን፣ መንፈሳዊ ትምህርቶችን፣ የበጎ አድራጎት ሥራዎችን እና የጋራ መረዳጃ መንገዶችን ያዘጋጃል። በዚህም በፕራግና አካባቢዋ የሚኖሩ ምእመናን ከሃይማኖታቸው፣ ከባህላቸውና ከቤተ ክርስቲያን ሥርዓት ጋር ተቆራኝተው እንዲኖሩ የበኩሉን አስተዋጽኦ ያደርጋል።

የማኅበራችን የረጅም ጊዜ ራዕይ አስፈላጊውን ሕጋዊና መንፈሳዊ ሒደት በማሟላት፤ ምእመናን በቋሚነት የሚገለገሉበት፣ የሚጸልዩበት፣ የሚማሩበትና በአንድነት የሚቆሙበት የኢትዮጵያ ኦርቶዶክስ ተዋሕዶ አጥቢያ ቤተ ክርስቲያን ማቋቋም ነው።

መንፈሳዊ ሕይወታቸውን ለማሳደግ፣ የእግዚአብሔርን ቃል ለመማርና ከቤተ ክርስቲያን ጋር ለመቀራረብ የሚፈልጉ ምእመናንን፣ ቤተሰቦችንና ወጣቶችን ሁሉ በፍቅር እንቀበላለን።